Познань

У паняцця ёсць і іншыя значэнні, гл. Познань (значэнні). По́знань[2][3] (польск.: Poznań, лац.: Posnania, ням.: Posen, пры нагодзе ўжываецца назва Стольнае Места Познань) — адзін з найстарэйшых і найбуйнейшых польскіх гарадоў, размешчаны над ракой Вартай; сталіца Вялікапольшчы i Велікапольскага ваяводства. Пяты па колькасці насельніцтва горад у Польшчы. Адлегласць па прамой паміж гарадамі Познань — Мінск 716 км, да Варшавы — 279 км[4]. Насельніцтва — 547 161 жыхароў (2014 год)[5].

Апісанне горада

Познань — дынамічны гаспадарчы, акадэмічны, навуковы і культурны цэнтр. Дзякуючы выбітным эканамічным вынікам, імпетнай гаспадарцы, і пастаянным Міжнародным Кірмашам у Познані горад гэты часта называюць гаспадарчай сталіцай Польшчы па інвестыцыйнай прывабнасці толькі нязначна саступаючы нашмат большай Варшаве. Познань ёсць таксама вялікім цэнтрам прамысловасці.

У Познані дзейнічае дзевяць дзяржаўных, вышэйшых школаў і прыватных, адукуючых некалькі дзесяткаў тысяч студэнтаў. У горадзе таксама дзейнічаюць шматлікія даследніцкія ўстановы. Усё гэта робіць Познань адным з галоўных польскіх акадэмічных гарадоў.

Гаспадарка

Каля горада пралягае аўтастрада A2, міжнародны маршрут Берлін — Варшава — Мінск — Масква.

Развітая электрамашынная прамысловасць. Другі пасля Варшавы асяродак банкаў і найбуйнейшы ў краіне кірмашны цэнтр.

Геаграфічныя каардынаты

• Даўжыня ў кіламетрах:
  • найшырэйшая (NW — SE) — 26 км
  • найменшая (NE — SE) — 10,6 км

Вышэйшыя ўстановы

Дзяржаўныя вышэйшыя ўстановы:

• Універсітэт імя Адама Міцкевіча
• Медыцынская Акадэмія імя Караля Марцінкоўскага ў Познані
• Сельскагаспадарчая Акадэмія ў Познані
• Дзяржаўны Эканамічны Універсітэт ў Познані
• Акадэмія фізічнага Выхавання ў Познані
• Акадэмія Мастацтваў у Познані
• Музычная Акадэмія ў Познані
• Пазнаньская Палітэхніка
• Заходні Інстытут імя Зігмунта Вайцяхоўскага

Культура

З 2003 года дзейнічае Беларускі культурна-асветніцкі цэнтр у Познані. Арганізацыя гэтая аб’ядноўвае выхадцаў з Беларусі і прыхільнікаў беларушчыны. БКАЦ рэгулярна ладзіць культурніцкія мерапрыемствы на якіх прэзентуе беларускую спадчыну і сучасныя здабыткі беларускай культуры.

Тэатры

Польскі тэатр (Познань)

Музеі

Нацыянальны музей (Познань), Этнаграфічны музей (Познань).

Гарады-пабрацімы

• Асэн
• Брно
• Гановер
• Нотынгемшыр
• Наблус
• Пасуэла-дэ-Аларкон
• Рэн
• Таліда
• Харкаў
• Чыкага
• Шэньчжэнь
• Ювяскюля

Турызм

• Казляняткі на пазнаньскай ратушы
• Старамесце ўначы

Вядомыя асобы

• Надзея Аляксандраўна Юўчанка (нар. 1946) — беларускі музыказнавец.

Зноскі

1. ↑ Główny Urząd Statystyczny, dane za rok 2013
2. ↑ Напісанне ў адпаведнасці з ТКП 236-2010 (03150) «Спосабы і правілы перадачы геаграфічных назваў і тэрмінаў Рэспублікі Польшча на беларускую мову». Гл. польска-беларускую практычную транскрыпцыю.
3. ↑ Познань. Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2001. — Т. 12: Палікрат — Праметэй. — 576 с. — 10 000 экз. — ISBN 985-11-0198-2 (т. 12), ISBN 985-11-0035-8.
4. ↑ Адлегласці паміж гарадамі -
5. ↑ Główny Urząd Statystyczny. Baza Demografia. Ludność. Stan, ruch naturalny i wędrówki ludności w I kwartale 2014 r., stan na 31.03.2014. Архівавана 26 снежня 2018.

Спасылкі

• На Вікісховішчы ёсць медыяфайлы па тэме Познань