Хацілы

Хаці́лы[1] (трансліт.: Chacily, руск.: Хотилы) — аграгарадок у Пастаўскім раёне Віцебскай вобласці. Уваходзіць у склад Ярэўскага сельсавета.

Размешчаны ў паўночна-заходняй частцы Пастаўскага раёна за 2 км ад Паставаў і за 3 км ад Куртаў. Знаходзіцца на рацэ Мядзелцы. Паблізу аграгарадка азёры Ксяндзоўскае, Кавалькі і Думбля.

Транспартная сувязь з раённым цэнтрам ажыццяўляецца аўтобусным маршрутам «Паставы — Казьяны».

На тэрыторыі аграгарадка размяшчаецца сельскагаспадарчае прадпрыемства ААТ «Хацілы-Агра».

Дзейнічаюць яслі-сад, сталовая, магазін, аддзяленне паштовай сувязі, комплексны прыёмны пункт і бібліятэка.

Насельніцтва

• 2009 год — 317 чалавек
• 2021 год — 382 чалавекі

Славутасці

• Абеліск-помнік землякам, загінулым у Вялікай Айчыннай вайне

Зноскі

1. ↑ Назвы населеных пунктаў Рэспублікі Беларусь: Віцебская вобласць: нарматыўны даведнік / У. М. Генкін, І. Л. Капылоў, В. П. Лемцюгова; пад рэд. В. П. Лемцюговай. — Мн.: Тэхналогія, 2009. — 668 с. ISBN 978-985-458-192-7 (DJVU).

Літаратура

• Памяць: гіст.-дакум. хроніка Пастаўскага р-на / Рэдкал. Г.К. Кісялёў [і інш.]. — Мн., 2001. — С. 665.

Спасылкі

• На Вікісховішчы ёсць медыяфайлы па тэме Хацілы