Эльблёнг

У паняцця ёсць і іншыя значэнні, гл. Эльблёнг (значэнні).

Э́льблёнг[2] (польск.: Elbląg; ням.: Elbing) — горад на правах павета ў паўночнай Польшчы з насельніцтвам 122 717[3] чалавек на 2014 год і адміністрацыйны цэнтр Эльблёнгскага павета. З 1999 горад быў далучаны да Вармінска-Мазурскага ваяводства. Да гэтага горад быў адміністрацыйным цэнтрам Эльблёнгскага ваяводства (1975—1998) і галоўным горадам у Гданьскім ваяводстве (1945—1975). Горад з’яўляецца портам на рацэ Эльблёнг, якая ўпадае ў Віслінскі заліў прыкладна за 10 км на поўнач, тым самым даючы гораду доступ да Балтыйскага мора праз падуладны Расіі Балтыйскі праліў.

Эльблёнг упершыню згадваецца як «Ilfing» у «Падарожжах Ахтэрэ і Вульфстана», напісаных на англа-саксонскай мове ў перыяд кіравання караля Альфрэда паводле звестак, атрыманых ад вікінгаў, якія наведалі гэтае месца.

Гісторыя

Заснаваны крыжакамі ў 1237 годзе на месцы болей старажытнага цэнтра, які прынята атаясамліваць з вараскім Трусо. Насельніцтва — 126 419 тыс. жыхароў (2009).

Гістарычна прускі горад, цэнтр старажытнапрускай вобласці Памезанія, Эльблёнг стаў часткай Польшчы толькі пасля Другой сусветнай вайны. Новае польскае насельніцтва ў значнай ступені складалася з палякаў, пераселеных з Савецкага Саюза.

Эканоміка

У горадзе развіты цяжкае і транспартнае машынабудаванне (вытворчасць турбін, кавальска-прэсавага, суднавага абсталявання, станкоў), дрэваапрацоўчая, швейная, харчовая прамысловасць[4].

Славутасці

• Помнікі гатычнай архітэктуры (XIII—XIV стст.)[4].
• Сабор Святога Мікалая (XIII стагоддзе)
• Замак крыжаносцаў (XIII стагоддзе)[4]

Гарады-пабрацімы

Эльблёнг з’яўляецца пасябраным з:[5]

• Лер, Ніжняя Саксонія, Германія (з 23 ліпеня, 2001)[5]
• Калінінград, Калінінградская вобласць, Расія (з 1994)[5]
• Балтыйск, Калінінградская вобласць, Расія (з 1994)[5]
• Ронебі, Швецыя (з 1991)[5]
• Друскінінкай, Літва (з 1996)[5]
• Ліепая, Латвія (з 1991)[5]
• Навагрудак, Беларусь (з 1995)[5]
• Цярнопаль, Украіна (з 1992)[5]
• Камп’ень, Францыя (з 2002)[5]
• Заходні Уілтшыр, Англія, Вялікабрытанія (з 31 сакавіка 2000)[5]
• Какімба, Чылі (з 1995)[5]
• Баацзі, Шэньсі, Кітай (since 1997)[5]
• Тайнань у Тайвані (з 29 красавіка 2004)[5]
• Новы Сонч, Польшча [6]
• Нарва, Эстонія

Зноскі

1. ↑ Główny Urząd Statystyczny, dane za rok 2013
2. ↑ Напісанне ў адпаведнасці з ТКП 236-2010 (03150) «Спосабы і правілы перадачы геаграфічных назваў і тэрмінаў Рэспублікі Польшча на беларускую мову». Гл. польска-беларускую практычную транскрыпцыю.
3. ↑ Główny Urząd Statystyczny. Baza Demografia. Ludność. Stan, ruch naturalny i wędrówki ludności w I kwartale 2014 r., stan na 31.03.2014. Архівавана 26 снежня 2018.
4. 1 2 3 Эльбланг // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2004. — Т. 18. Кн. 1: Дадатак: Шчытнікі — Яя. — 472 с. — 10 000 экз. — ISBN 985-11-0295-4 (т. 18. Кн. 1), ISBN 985-11-0035-8.
5. 1 2 3 4 5 6 7 8 9 10 11 12 13 14 «Elbląg Official Website — Partner Towns» Архівавана 22 жніўня 2009.. (in English) © 2008 Municipal Office in Elbląg ul. Łączności 1 82-300 Elbląg.
6. ↑ «Nowy Sącz — Partner Cities». © 2008 Urząd Miasta Nowego Sącza, Rynek 1, 33-300 Nowy Sącz.

Літаратура

• Эльбланг // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2004. — Т. 18. Кн. 1: Дадатак: Шчытнікі — Яя. — 472 с. — 10 000 экз. — ISBN 985-11-0295-4 (т. 18. Кн. 1), ISBN 985-11-0035-8.

Спасылкі

• На Вікісховішчы ёсць медыяфайлы па тэме Эльблёнг
• Афіцыйная старонка муніцыпалітэта Архівавана 19 верасня 2008.