Навазыбкаўская гарадская акруга

Навазыбкаўская гарадская акруга (руск.: Новозы́бковский городской округ) — муніцыпальнае ўтварэнне (гарадская акруга) на паўднёвым захадзе Бранскай вобласці Расіі. Адміністрацыйны цэнтр — горад Навазыбкаў.

Геаграфія

Плошча гарадской акругі — 1029,97 км². Размешчана на захадзе Бранскай вобласці.

Мяжуе:

• на поўначы з Гардзееўскім і Краснагорскім раёнамі Бранскай вобласці;
• на захадзе з Добрушскім і Веткаўскім раёнамі Гомельскай вобласці Беларусі;
• на ўсходзе з Клінцоўскім раёнам Бранскай вобласці;
• на поўдні з Клімаўскім і Злынкаўскім раёнамі Бранскай вобласці.

Асноўныя рэкі — Іпуць, Вага, Карна.

Гісторыя

Гарадская акруга ўтворана 10 чэрвеня 2019 года ў выніку аб’яднання ўсіх скасаваных сельскіх паселішчаў Навазыбкаўскага муніцыпальнага раёна і гарадской акругі горада Навазыбкава, якая не ўваходзіла ў яго склад[1].

Транспарт

М13 Бранск — Навазыбкаў — мяжа Рэспублікі Беларусь — Кобрын

Славутасці

• Манастыр Св. Мікалая ў в. Каташын.
• Сядзібна-паркавы комплекс Муханавых у в. Любін Хутар.
• Царква Св. Тройцы ў в. Стары Крывец.
• Царква Успення Прасв. Багародзіцы ў в. Свяцк.
• Царква Св. Сергія Раданежскага ў в. Унукавічы (Раданежскае).

Гл. таксама

• Літвіны Севершчыны

Зноскі

1. ↑ Закон Брянской области N 18-З 2 апреля 2019 года «Об объединении муниципальных образований, входящих в состав Новозыбковского муниципального района Брянской области, с муниципальным образованием города Новозыбков и внесении изменений в отдельные законодательные акты Брянской области»

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх