Парыцкі сельсавет

Па́рыцкі сельсавет — адміністрацыйна-тэрытарыяльная адзінка ў складзе Светлагорскага раёна Гомельскай вобласці Беларусі. Цэнтр — гарадскі пасёлак Парычы.

Геаграфія

Сельсавет знаходзіцца на поўначы Светлагорскага раёна, прыкладна за 30 кіламетраў ад горада Светлагорск.

Гісторыя

Утвораны 20 жніўня 1924 года ў складзе Парыцкага раёна Бабруйскай акругі БССР. Цэнтр — мястэчка Парычы. 24 верасня 1926 года сельсавет скасаваны, замест яго ўтвораны Казлоўскі сельсавет, а частка тэрыторыі адыйшла да Парыцкага местачковага савета.

1 снежня 2009 года да пассавета далучана тэрыторыя скасаванага Казлоўскага сельсавета (14 населеных пунктаў: аграгарадок Казлоўка, вёскі Вярхлессе, Высокі Полк, Ельнічкі, Кастрычнік, Кнышэвічы, Ліпнікі, Майсееўка, Пагонцы, Прудок, Пясчаная Рудня, Селішчы, Скалка, Судавіца)[1]. 12 лістапада 2013 года Парыцкі пассавет рэарганізаваны ў сельсавет[2].

Насельніцтва

Насельніцтва сельсавета станам на 2018 год складала 3 993 чалавекі.

Населеныя пункты

У Парыцкі сельсавет уваходзяць 15 населеных пунктаў (насельніцтва паводле перапісу 2009[3]):

• вёска Высокі Полк (109 чал.)
• вёска Вярхлессе (110 чал.)
• вёска Ельнічкі (26 чал.)
• аграгарадок Казлоўка (718 чал.)
• вёска Кастрычнік (46 чал.)
• вёска Кнышэвічы (50 чал.)
• вёска Ліпнікі (9 чал.)
• вёска Майсееўка (154 чал.)
• вёска Пагонцы (20 чал.)
• гарадскі пасёлак Парычы (2 030 чал.)
• вёска Прудок (255 чал.)
• вёска Пясчаная Рудня (7 чал.)
• вёска Селішчы (36 чал.)
• вёска Скалка (71 чал.)
• вёска Судавіца (352 чал.)

Зноскі

1. ↑ Решение Гомельского областного Совета депутатов от 1 декабря 2009 г. № 288 Об изменении административно-территориального устройства Светлогорского района Гомельской области Архівавана 29 кастрычніка 2013.
2. ↑ Решение Гомельского областного Совета депутатов от 12 ноября 2013 г. № 286 О некоторых вопросах административно-территориального устройства Светлогорского района Гомельской области Архівавана 10 снежня 2020.
3. ↑ Насельніцтва населеных пунктаў Гомельскай вобласці паводле перапісу 2009 года (руск.) ]

Літаратура

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.