Галубіцкі сельсавет (Глыбоцкі раён)

Галу́біцкі сельсавет — адміністрацыйна-тэрытарыяльная адзінка ў складзе Глыбоцкага раёна Віцебскай вобласці Беларусі. Цэнтр — аграгарадок Галубічы, размешчаны за 19 км ад райцэнтра г. Глыбокае. Сельсавет мяжуе з Падсвільскім, Абрубскім, Псуеўскім сельсаветамі Глыбоцкага раёна, тэрыторыяй Крулеўшчынскага і Тумілавіцкага сельсаветаў Докшыцкага раёна.

Плошча Азярэцкага сельсавета — 16426 га. У склад сельсавета ўваходзяць 27 населеных пунктаў.

Гісторыя

Утвораны 12 кастрычніка 1940 года ў складзе Пліскага раёна Вілейскай вобласці БССР. З 20 верасня 1944 года ў складзе Полацкай вобласці, з 8 студзеня 1954 года ў складзе Маладзечанскай вобласці, з 20 студзеня 1960 года ў складзе Віцебскай вобласці. 15 кастрычніка 1960 года да Галубіцкага сельсавета далучана тэрыторыя скасаванага Ясевіцкага сельсавета, у адміністрацыйнае падпарадкаванне Падсвільскага пассавета перададзены 20 населеных пунктаў (Алейзберг, Баяры, Вялікія Давыдкі, Гараватка, Гразі, Дабрэзіна, Дубінаўка, Івашова, Крупенскі Мох, Ляпляне, Малыя Давыдкі, Маргі, Міхалі, Перавоз, Перадолы, Праабражэнка, Прапелеўшчына, Пунькі, Філіпоўшчына і Цінаўка)[2][3]. З 25 снежня 1962 года пасля скасавання Пліскага раёна сельсавет увайшоў у склад Глыбоцкага раёна. У 1965 годзе ў адміністрацыйнае падпарадкаванне Падсвільскага пассавета перададзены 6 населеных пунктаў (Амбросавічы, Замошша, раз’езд Замошша, Леднікі, Несцеравічы і Шарагі)[4]. 19 мая 1972 года ў склад сельсавета з Падсвільскага пассавета пералічана вёска Вялікія Давыдкі[5].

27 верасня 2007 года ліквідавана вёска Ніўе і хутары Атвалаўшчына, Выгаркі, Забалоцце, Чыстае[6].

Насельніцтва

Насельніцтва сельсавета паводле перапісу 2009 года — 952 чалавекі[7], з іх 96,2 % — беларусы, 1,9 % — палякі, 1,4 % — рускія[8].

Склад

• Адвалкі 1 — вёска
• Адвалкі 2 — вёска
• Альхімаўшчына — вёска
• Апанасенкі — вёска
• Белякі — вёска
• Быкаўшчына — хутар
• Вольшчына — вёска
• Вялікія Давыдкі — вёска
• Галубічы — аграгарадок
• Гурбы — вёска
• Дзедзіна — хутар
• Жаўнераўшчына — вёска
• Іванаўшчына — вёска
• Каралевічы — вёска
• Крупені — вёска
• Куксіна — хутар
• Малінаўка — хутар
• Промежкі — вёска
• Пузыры — вёска
• Селішча — вёска
• Слабада — вёска
• Старое Запалоўе — вёска
• Ураджайная — вёска
• Шабаны — вёска
• Шылагор’е — вёска
• Яловікі — хутар
• Ясевічы — вёска

Гаспадарка

На тэрыторыі Азярэцкага сельсавета знаходзіцца:

• Сельскагаспадарчае ўнітарнае прадпрыемства «Галубічы»

Транспарт

Транспартныя зносіны з райцэнтрам ажыццяўляюцца па аўтобусных маршрутах:

• Глыбокае — Падсвілле праз в. Каралевічы
• Глыбокае — Падсвілле праз в. Ураджайная

Зноскі

1. ↑ Сельскія выканаўчыя камітэты Глыбоцкі раённы выканаўчы камітэт
2. ↑ Рашэнне выканкома Віцебскага абласнога Савета дэпутатаў працоўных ад 15 кастрычніка 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 31.
3. ↑ Фарміраванне тэрыторыі, адміністрацыйна-тэрытарыяльны падзел Глыбоцкага раёна Мой родны край — Глыбоччына
4. ↑ Рашэнні выканкома Віцебскага абласнога Савета дэпутатаў працоўных ад 9, 23 студзеня, 10 і 12 лютага 1965 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1965, № 10 (1090).
5. ↑ Рашэнне выканаўчага камітэта Віцебскага абласнога Савета дэпутатаў працоўных ад 19 мая 1972 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1972, № 20 (1358).
6. ↑ «Об упразднении сельских населенных пунктов». Решение Глубокского районного Совета депутатов от 27 сентября 2007 г. № 36 Архівавана 29 ліпеня 2019. (руск.)
7. ↑ Колькасць насельніцтва населеных пунктаў Беларусі паводле перапісу 2009 года Архівавана 2 кастрычніка 2019.
8. ↑ Этнічны склад насельніцтва сельсаветаў Беларусі паводле перапісу 2009 года

Літаратура

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.