Калінінскі (Брагінскі раён)

У паняцця ёсць і іншыя значэнні, гл. Калінінскі.

Калі́нінскі[1] (трансліт.: Kalininski, руск.: Калининский) — пасёлак у Брагінскім раёне Гомельскай вобласці. Уваходзіць у склад Чамярыскага сельсавета.

Да 1 снежня 2009 года пасёлак уваходзіў у склад Хракавіцкага сельсавета[2].

Геаграфія

Размяшчэнне

У 13 км на паўднёвы ўсход ад Брагіна, 42 км ад чыгуначнай станцыі Хойнікі (на галінцы Васілевічы — Хойнікі ад лініі Калінкавічы — Гомель), 132 км ад Гомеля.

Транспартная сістэма

Транспартныя сувязі па прасёлкавай, затым аўтадарозе Камарын — Хойнікі.

Планоўка складаецца з кароткай прасталінейнай вуліцы мерыдыянальнай арыентацыі. Забудова драўлянымі хатамі сядзібнага тыпу

Гісторыя

Заснаваны напачатку XX стагоддзя перасяленцамі з суседніх вёсак на былых памешчыцкіх землях. З сярэдзіны 1920-х гадоў да канца 1930-х гадоў 2 мястэчка: Калініна-1 і Калініна-2. У 1932 годзе арганізаваны калгас. У 1959 годзе ў складзе калгаса «Рассвет» (цэнтр — вёска Чамярысы).

Насельніцтва

Колькасць

• 2004 год — 6 гаспадарак, 9 жыхароў.

Дынаміка

• 1930 год — Калініна-1 — 19 двароў, 111 жыхароў, у Калініна-2 — 94 жыхара.
• 1959 год — 89 жыхароў (паводле перапісу).
• 2004 год — 6 гаспадарак, 9 жыхароў.

Зноскі

1. ↑ Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).. Сустракаецца таксама варыянт Калі́ніна, н.
2. ↑ «Об изменении административно-территориального устройства Брагинского района Гомельской области». Решение Гомельского областного Совета депутатов от 1 декабря 2009 г. № 276 Архівавана 29 кастрычніка 2013. (руск.)

Літаратура

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: Белэн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0