Княжыцкі сельсавет (Магілёўскі раён)

У гэтага паняцця ёсць і іншыя значэнні, гл. Княжыцкі сельсавет.

Кня́жыцкі сельсавет — адміністрацыйна-тэрытарыяльная адзінка ў складзе Магілёўскага раёна Магілёўскай вобласці Беларусі. Цэнтр — аграгарадок (да 2008 года вёска) Княжыцы.

Гісторыя

Утвораны 20 жніўня 1924 года ў складзе Магілёўскага раёна Магілёўскай акругі БССР. Пасля скасавання акруговай сістэмы 26 ліпеня 1930 года ў Магілёўскім раёне БССР, з 20 лютага 1938 года — Магілёўскай вобласці. 16 ліпеня 1954 года да сельсавета далучана тэрыторыя скасаванага Бракаўскага сельсавета[1]. 29 ліпеня 2008 года ў сувязі з аб’яднаннем вёсак Княжыцы і Сумарокава ў адзін населены пункт, цэнтр сельсавета перайменаваны ў Княжыцы-Сумарокава і рэарганізаваны ў аграгарадок.

Насельніцтва

Насельніцтва сельсавета паводле перапісу 2009 года — 2654 чалавекі[2], з іх 93,1 % — беларусы, 4,8 % — рускія, 1,1 % — украінцы[3].

Склад

У склад сельсавета ўваходзіць 20 населеных пунктаў (2009 г.):

Скасаваныя населеныя пункты на тэрыторыі сельсавета:

• Азараўка — пасёлак.
• Драбіншчына — пасёлак.
• Дуброва — вёска.
• Засценак — пасёлак.
• Захват — пасёлак.
• Сіроціна — вёска.
• Язершчына — пасёлак.

Славутасці

• Касцёл Святога Мікалая (1750—1791)

Вядомыя асобы

• Матэст Мендзялевіч Агрэст (1915—2005) — савецкі і амерыканскі матэматык, доктар фізіка-матэматычных навук, удзельнік атамнага праекта ў Арзамасе-16, заснавальнік тэорыі палеавізітаў, нарадзіўся ў Княжыцах
• Лідзія Васільеўна Аўсеенка (нар. 1914) — Герой Сацыялістычнай Працы, нарадзілася ў вёсцы Забор’е.
• Ціхан Піменавіч Бумажкоў (1910—1941) — адзін з арганізатараў і кіраўнікоў партызанскага руху на тэрыторыі Палескай вобласці падчас Вялікай Айчыннай вайны, Герой Савецкага Саюза, у 1930 годзе скончыў школу рабочай моладзі ў Княжыцах
• Іван Макаравіч Ільюшын (1903—1997) — беларускі філосаф і савецкі дзяржаўны дзеяч, міністр асветы БССР, член-карэспандэнт АН БССР, нарадзіўся ў вёсцы Прокшанічы
• Уладзімір Сямёнавіч Камароў (нар. 1923) — беларускі хімік, акадэмік Акадэміі Навук Беларускай ССР, нарадзіўся ў Княжыцах
• Павел Васільевіч Масленікаў (1914—1995) — беларускі мастак, Заслужаны дзеяч мастацтваў БССР, Народны мастак Беларусі, нарадзіўся ў вёсцы Нізкая Вуліца
• Васіль Матэвушаў (1915—1974) — беларускі паэт і пісьменнік, нарадзіўся ў Княжыцах
• Васіль Іосіфавіч Мельнікаў (1922—1970) — савецкі ваеначальнік, генерал-маёр, нарадзіўся ў вёсцы Бракава[4]
• Іосіф Абрамавіч Шульман (1912—1990) — вядомы беларускі савецкі рэжысёр, нарадзіўся ў Княжыцах

Зноскі

1. ↑ Указ Президиума Верховного Совета БССР от 16 июля 1954 г. Об объединении сельских советов Могилевской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
2. 1 2 Насельніцтва населеных пунктаў Магілёўскай вобласці Беларусі паводле перапісу 2009 года
3. ↑ Этнічны склад насельніцтва сельсаветаў Беларусі паводле перапісу 2009 года
4. ↑ http://www.pniva.by/2012/05/nasha-gordost-i-pamyat/

Літаратура

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.
• Гарады і вёскі Беларусі: Энцыклапедыя. Т. 6, кн. 2. Магілёўская вобласць / У. Д. Будзько і інш. — Мн.: БелЭн, 2009. — 591 с. ISBN 978-985-11-0440-2.
• Энцыклапедыя гісторыі Беларусі. У 6 т. Т. 4: Кадэты — Ляшчэня / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн.: БелЭн, 1997. — С. 216. — 432 с.: іл. — 10 000 экз. — ISBN 985-11-0041-2.